ابتلينا ببعض العنصريين والعنصريات المارقين والمارقات الذين يظنون انهم شادين السما بيديهوم ولا تايعطيو الشتا (استغفر الله العظيم رب العرش العظيم)…تايحسبو ويشيط ليهوم…تايظنو باللي هوما كلشي…وهوما فالاصل لا شيء…لا يملكون حتى زمام أنفسهم فبالاحرى زمام الآخرين…من كثرة الجهل والامية وانعدام الوازع الأخلاقي والتربوي والتكويني تايبان ليهوم بنادم لا شيء…للأسف الشديد…وهم لو نظرو إلى المراة مرة واحدة في حياتهم لخجلوا من أنفسهم…ولكنهم قوم لا يعلمون نسوا الله فانساهم أنفسهم…التكبر والوش والبخ والتنوفيق والتنوعير والهضاضر ديال الحمامات والتاعونصوريت والتفرعونيت الخاوية…هاد الشي كلو مرده إلى أن هاد العنصريين والعنصريات جعبتهم خاوية…وأخلاقهم متداعية…وسلوكاتهم تمتح من قاموس الجهل وغياب الزاد الإيماني…بنادم راه ماتايصليش حتى الصلاة ومقطع الورقة مع سيدي ربي وعاطيها غير للتحنزيز والتخرميز والتبلحيس والتشلهيب والتابانضيت والتاحراميات والتاديوتيت والخذنية والشذوذ الجنسي والفكري والاخصاء العلمي والنفاق الايديولوجي والصكوعية والحلزونية والحربائية والهيلالة وجيلالة وحمادشة وعيساوة والكريتيك الخاوي والتكوليس والتخوبير بلا حيا بلا حشمة…هاد القوم اللي ماتايحشمش على عراضوا كايحساب ليه الدنيا سايبة وماكاين قوانين وماكاين عادات وتقاليد واعراف متبادلة…هوما متايعرفوش حتى شنو هو الاحترام والتقدير وغير مدرمين بلا فرانات…هوما خاصهوم يعرفو تفاصيلك وفين مشيتي وفين خدام واش تادير ومزوج ولا مطلق ولا مصاحب وفين تاتعيش وشنو تاتاكل والطلامط ديال السدادر ديالك واش عندك الصالون ولا ماعندكش واش عندك الفلوس ولا ماعندكش ومنين تاضر عليهوم…المهم تايحشيو نيفوهوم فكلشي ونساو الكعبوبة ديالهوم ونساو راسهوم ونساو حريرتهوم وبقاو حاضيين مع الناس…(الاحضي اي والتبركيك اي)…القوم المعمية ماتايزكلو حتى حاجة…علاش؟؟؟…لان ماعندهوم مايدار وشايط ليهوم الوقت وبقاو عاطيينها للاستخبار على الناس وتتبع عوراتهم والتجسس عليهم…وجعل أخبارهم موائد دسمة كايفطرو بيها وكايتغداو بيها وكايديرو كاسكروط بيها وكايتعشاو بيها…ونساو أن الله تعالى حرم التبركيك والتنوفيق والتنوعير والتبدنديق والتزنديق والتاديوتيت والخذنية والشذوذ الجنسي والفكري والاخصاء العلمي والنفاق الايديولوجي والصكوعية والحلزونية والحربائية والهيلالة وجيلالة وحمادشة وعيساوة والكريتيك الخاوي والتكوليس والتاعونصوريت والتابانضيت والتاحراميات في القرآن الكريم والسنة النبوية الشريفة…الا ان هؤلاء الاوباش يعاكسون التيار دائما ويسايرون الشيطان الرجيم في حركاتهم وسكناتهم للأسف الشديد…هاد المفلسين كل نهار تنقولو راه غادي يتراجعو راه غادي يتوبو ساعة غير مازايدين فيه…يالمساخط راه يقدر يجيكوم ملك الموت ونتوما على ديك الحالة…سيرو قابلو شغلكوم إلى عندكوم شي شغل وسيرو ديوها فريوسكوم وشوفو حالتكوم كيدايرة عاد اجيو تهضرو فعباد الله بدون موجب شرع…القوم القصيف…القوم المعمية…اعوان الشيطان وحطب جهنم…نسأل الله السلامة والعافية والمعافاة الدائمة في الدين والدنيا والآخرة…
التعليقات مغلقة.