أينما مد محمد المتوكل يده…واينما حل وارتحل يجد له أعداء ومناوئين ومناوشين وقفقافة وحضاية وأصحاب البقشيش الوسخ وحديدانات الحراميين والديوتيين والبركاكة والمتمترسين في الدورة وصحاب الشونطاج ولحاسين الكابة والمرايقية وأصحاب الغيبة والنميمة والبلابلية والقهاوجية والحسرافة والبرغازة والمنافقين والديموحراميين والذلقراطيين والهوانقراطيين والديموكراسيين والوشاة والنمامة والبركاكة والحسرافة واكلي أموال الناس بالباطل ومسامر الميدة والحضاية والقزاقزية…علاش لاشي على الاطلاق الا ان هاد السي محمد المتوكل داير ليهوم حبوبة…ومكيتسرطش ليهوم…وواقف ليهوم شوكة وعضم في حلقومتهوم وعاطيهوم النخال وقاري عليهوم وفاهم عليهوم ومستوى ولله الحمد وبدون من ولا اذى… وفاعل جمعوي واطار تربوي اشتغلت في المجال الاجتماعي بالمغرب وغينيا كوناكري ومراسل صحفي وامام وخطيب جمعة…ماتنسعا حد ماتيجيب لي حد القفة ولا الدعم ولا البون ديال المازوط ولا كارطة ديال الإنعاش…بخير وعلى خير وصحة وعافية وستر من الله تعالى والحمد لله…لكن الحبشي حاضي معايا…راه مشا لافريقيا…راه تزوج…راه طلق…راه مشا للروض…راه مشا للسيكيريتي…راه مشا لحزب العدالة والتنمية…راه بغا يترشح للانتخابات…راه مشا للجامع…راه خطب اليوم…راه فعين الجمعة…راه فالسوق…راه كتب على فلان…راه فمكناس…راه دار مشروع تجاري…راه تزاد عندو وليد…راه شفناه مع بنتو…شنو سما ولدو…علاش مادارش السبوع…علاش تيلبس الملابس الافريقية…راه عندو الطابع فضهرو…راه شفناه اليوم عند الجوندارم…راه مع خالد المسعودي…راه فالقهوة…راه طالع…راه هابط…راه عندو الفلوس…الله يعطيكوم الصهد ياتريكة المجاحيم يا هداوة يا المعافين…والمعاقين ذهنيا وفكريا…أنا هاد الشي كلو لا يمس شعرة في راسي…لكن غير تنشوف انا هاد بوكبووووووووووط حاضي معايا…تقول عاطيني ختو وسمحت ليه فيها…صحيح هي أقدار الهية تتصرف وانا مؤمن بها إلى حد القداسة…والله تعالى متيحرمني من شي الا لانه عارف فين مصلحتي…تصور مشيت للفيرمة نغزو عليا هادوك حديدانات الحراميين اولاد الشقاء…مشيت للمدرسة من اجل تدريس الأطفال الصغار نغزو عليا…مشيت للجامع نغزو عليا…اي بلاصة تيكون فيها محمد المتوكل تيكونو فيها البرغازة والنغازة والبراغيت خلاها الوالد الله يرحمو…كان تيوصيني وهو يموت رحمه الله…تهلا فالوالدة ومتيقش فالبرغوت…وفعلا رايت بأمي عيني البراغيت السوداء المتسخة وهي تتنقز يمينا ويسارا…كيضنوا انهم طفروه…وهو بالعكس تماما…تيتقلوا غير راسهوم بالذنوب والمعاصي والاثام…تريكة المجاعيف والمجاحيم ومنعدمي الأصل والحراميين وأولاد الزنا… أما انا ولله الحمد والشكر عايش اليز وماخاصني حتى خير…شنو زعما باغيين تغيرو قدر الله…راه الرسول صلى الله عليه وسلم قال… لو اجتمعت الإنس والجن على أن ينفعوك بشيء لن ينفعوك الا بشيء قد كتبه الله لك…وان اجتمعت الإنس والجن على أن يضروك بشيء لن يضرك الا بشيء قد كتبه الله عليك رفعت الأقلام وجفت الصحف…أنا مكانحسد حد ماتنحقد على حد وباغي الخير للجميع…قال تعالى…ان اريد الا الإصلاح ما استطعت وما توفيقي الا بالله عليه توكلت واليه انيب…جاءني واحد الأخ كان فليبيا وتونس…حتى هو باغيين يبروفيطيو فيه…ويستاغلوه لانه عندو سيارة تيترزق بيها الله تعالى…وقال لي اخويا السي محمد هاد القوم صعيب…قلت ليه والله ما صعيب غير على راسو…شوف غير كمامرهوم كيدايربن بعدا…اغلبهوم كانوا شفارة وقمارة ونصابة وكبرو فالفقر والجوع والنوع والتاحديدانيت والتاحراميات والتابانضيت والتبركيك والنميمة والغيبة والتقلقيل والتخرميز والتبلحيس والتنوفيق والتنوعير والتبدنديق والتزنديق والتاديوتيت و شلا تاحراميات…ولازالوا كما كانوا…وسيبقون كذلك للاسف الشديد…يعيشون نفس الأوضاع المزرية…كابرين فالحرام وعايشين فالحرام وغيموتو للاسف الشديد فالحرام…وحتى ولا دهوم اغلبهوم كبرو فالتنوعير والتقوليب والتاسمسارت والتاكسابت…كما هو الشأن بالنسبة لاجدادهم واجداد اجدادهم…هذا طبعا لا يضرني في شيء…الا اني كنشوف انا هاد المخلوقات الحربيائية البطنية التي تزحف على بطنها من اجل بقشيش وسخ…كانت ولازالت وستبقى تشرب في نفس الاناء الوسخ وتعيش الضحالة والقذارة والوساخة والعطانة…بدون أن يرمش لها جفن ودون رغبة في التغيير…احباش كل همهم هو بطونهم وفروجهم المتسخة…أما الدين ولا الصلاة ولا خوف الله…فذلك آخر شيء يهتمون به…الشيء الذي يبقي المنطقة في آخر سلم التنمية…بل ممكلاصياش اصلا…
التعليقات مغلقة.