لا طرقان صايبتوها…؟؟؟ لا ضوء صايبتوه…؟؟؟ لا ماء دخلتوه…؟؟؟
لا سوق صايبتوه…؟؟؟ لا تنمية جبتوها…؟؟؟ لا تغيير درتوه…؟؟؟ لا دار الشباب صلحتوها…؟؟؟ لا مسالك زفتوها…؟؟؟ لا دالاس عتقتوه…؟؟؟ لا ازبال جمعتوها…؟؟؟ لا شباب خدمتوه…؟؟؟ لا نقل مدرسي قاديتوه…؟؟؟ لا فلاح دعمتوه…؟؟؟ لا طبيب جهزتوه…؟؟؟
لا تعليم طورتوه…؟؟؟ لا جمعيات تواصلتوا معاها…؟؟؟ لا قبور زربتوها…؟؟؟…بالعكس التوفنة بعتوها…والقران حلفتو عليه…والسياسة ماتعرفوش منين تجيو ليها…وسديتو الباب على المواطن وضربتوها ليه بنكرة علما أن المواطن اللي ضحكتو عليه ب 200 درهم والقفة ديال 100 درهم وكنتوا تاتحضرو فالأعراس والجنازات…بل انتم من كنتم تتكلفون بمصاريف الأعراس والجنائز حتى تنقضوا على المسؤولية وكنتم تزورون حتى المرضى و والمصابين والفقراء…لكن لما نجحتوا في انتخابات كلنا نعلم كيف مرت طبعا…مرت “بالبصلة والبرقوق وعبو الريح فالصندوق”…و”البصلة والزبيب وفلان يا حبيب”…و”يا فرتلان يا عتيد لقد كسرت الحديد”…انتخابات اقل ما يمكن أن يقال عنها انتخابات المهزلة والعار والشنار…هذه الأخيرة أنتجت لنا سياسيين فاشلين ومنتخبين فاشلين و مووووووسطشارين فاشلين لم يستطيعو لحد ألان أن يقدموا أية اظافة للمنطقة التي تمتد على 23 دائرة لم تحظى بنصيب من التنمية إلا الذهاب إلى مقر الجماعة والجلوس على كؤوس الشاي والقهاوي والهضرة والنابوبي والشفوي وقلة اليدوي والبلابلا وسيدي الهاضري بدون أي نتيجة تذكر للأسف الشديد…مجلس اقل ما يمكن أن يقال عنه مجلس فاشل وخرج مائلا منذ ذهابه إلى المنفى بافران وحلفه على القران الكريم وخيانته للعهد والضرب عرض الحائط كل الاتفاقات التي تم الاتفاق عليها من قبيل إعطاء مجموعة الجماعات للأخ النائب عن دائرة ايت موسى وحمي الغيور والنقابي الحذق والمثقف العضوي الحاج داود الشاوش لكن لما جاؤوا نهار التنصيب تم الانقلاب عليه بألف درهم باعتراف البعض منهم للأسف الشديد…واستمرت المهازل بتك المنطقة عين الجمعة الجريحة والمنبوذة والمقتولة سياسيا واجتماعيا وثقافيا ورياضيا وفنيا وإعلاميا إلا ما كان من صفحة عين الجمعة ذات العشر سنوات من النضال واللي واقفة ليهوم فالحلاقم…حيث عرت على مجموعة من الملفات ولازالت واقفة ولله الحمد بفضل مصداقيتها ومهنيتها…قلت استمرت المهازل بغياب التواصل بين المجلس وباقي مكونا المجتمع…يكفي يكون عندك شي مشكل وتمشي للجماعة وتبغي الحل تايقولو ليك ماعندنا مانديرو ليك…وعلاش نتوما تما تاتفرقوا اللغا…داك الحارس ديال المقر اللي تاضحكو عليه بجوج ديال الفرنكات ماغاديش تاقاو الله فيه…دوك الأعضاء اللي مشاو لبرا وهاجرو لفرنسا بلا أسباب ولا مسببات ماغاديش تاخذو فيهوم الاجراءات المناسبة…داك التيران ديال الكرة اللي ضربتوا فيه تقريبا 30 متر واش يصلاح ل 11/11 لا شنو…وفين البانو بيبليسيتير…داك السوق اللي وريتونا البطاقة التقنية ديالو هادي عام وتقرد فين وصل داك الشي ولا تبخر…سمعنا بغيتو تنقلوه لسيدي الشباني…ايلا كان غايكون فحال اللي فعين الجمعة غير خليوه…الجردة اللي حادكين فيها شكون اللي غادي يكلس فيها …كلشي هاجر للمدينة وكاين اللي مشا للعسكر وكاين اللي كاجا وكاين اللي مشا لبرا غير باش يغبر من ديك عين الجمعة راه مابقا فيها مايدار للأسف الشديد…واحد المدرسة جماعاتية تاتبنا فشعبانات مافيهاش حتى البانو بيبليسيتير…وتحد المستوصف ديال شعبانات مازال مسدود هادي عام…السبيطار ديال عين الجمعة مافيهش الايكيبمون…الازبال غير مليوحة فالشوارع والأزقة…الريزو ديما ماكاينش فديك عين الجمعة…المدخل ديال عين الجمعة تايحساب ليك فحال إلى الطريق إلى كابول…الأعضاء كاع مامسوقين …التنمية بااااااح فديك عين الجمعة…المحطة الطرقية كاينة غير السمية…دوك العمال العرضيون خدامين غير هوما فحال الى ماكاينش البوفرية والفقراء والمحتاجين فالدواور الاخرى…ايوا قولو لي شنو درتوا فديك عين الجمعة 0/0 حتى الواد الحار مازال دوار ريافة تايشكي ويبكي…ديك الهيأة ديال المساواة وتكافؤ الفرص ومقاربة النوع ما محلها من الاعراب ؟؟؟…دوك اللي لاصقين بعض الأعضاء من اجل أغراض شخصية ماتاتحشموش البارح كنتو تاتسبوهوم و دابا وليتو تاتقاقيو حيث طامعين فشي بوسط…البوطوات ديال الضو طايحين فكل بلاصة…والسقايات ديال الما ماكاينينش عند كلشي…هادوك اللي سالات الصلاحية ديالهوم من السياسة يمشيو يقابلو شغالاتهوم ويخليو بنادم فالتيقار…المهم دابا بان العربون راه ماكاين لا تغيير فعين ولا عبو الريح كاين غير راه الرياس تغداو هنا راهوم تعشاو لهيه راوهوم معروضين عن فلان راهوم تايتغداو عند فرتلان والمواطن العين جمعاوي مسكين داير يدو على خدو وكايتسنا الذي يأتي والذي قد لا يأتي…والى ذلكم الحين كل عين الجمعة وانتم…؟؟؟.
التعليقات مغلقة.