الانتفاضة / محمد المتوكل
يعاني السائقون للنقل المدرسي بعين الجمعة من مشاكل عدة حسب ما اسر لنا به احد السائقين في اتصال بصفحة عين الجمعة وموقع الانتفاضة من اجل الحداثة كونهم لم يتمكنوا من الحصول على رواتبهم لمدة أربعة اشهر…وكاين الشيفور اللي تايسال 76000 الف ريال…وكاين الشيفور اللي تايسال 60000 الف ريال وعندهوم البونات اللي كتبت انهم تايسالو الجمعية…لكن ملي تايمشيو عند رئيس الجمعية المكلفة بالنقل المدرسي تايقول ليهوم باللي ماعندوش الفلوس وحتى العام الجاي مع الدخول المدرسي ويخلصهوم…علما ان هاد الشوافرية مساكن غير بوفرية وفقراء ومضبرين على راسهوم بهاد الخديمة اللي كلها مشاكل…وكاين الشيافر اللي ماتخلصوش أربعة اشهر في استهتار واضح بمصالحهم الذين يعيشون بين جحيم الطرق المكسرة والمدكدكة والمخربة وبين التدبير العشوائي لهذه الجمعية التي سلمت لاحدهم حسي مسي في خرق سافر لمبدا الديمقراطية والشفافية والمصداقية…اونبلوس فالجماعة ديال سلام ورباعتو تاتعطي لجمعية النقل المدرسي منحة سنوية تقدر ب9000000 مليون سنتيم…شنو تادير الجمعية بهاد الفلوس ؟؟؟ وملي الشيافر مساكن تايمشيو عند رئيس الجماعة تايقول ليهوم سيرو عند رئيس الجمعية انا ماعندي ماندير ليكوم…فضلا على انهم تايقولو للشيافر باللي راهوم صلحو النقل المدرسي وهو فالاصل كاع ماصلحوه ؟؟؟…والدليل حسب تصريح الشيفور اللي تواصل معانا ان النقل المدرسي ديما تايطيح اونبان والروايض ممسوحين وتايهز أكثر من الحمولة القانونية وعوض التدخل العاجل والاني لحل هذه المشاكل التي لا تكاد تنتهي اغلق رئيس الجمعية هاتفه في وجه الشيافر وتركهم للمصير المجهول.
فالى متى هاد الاستهتار بحقوق الناس فديك عين الجمعة ؟؟؟ والى متى التلاعب بمصالح الشيافر وهضم حقوقهم وتركهم للضياع والشتات ؟؟؟ والى متى ستبقى ديك عين الجمعة بقرة حلوب لمصاصي الدماء واكلي رزق عباد الله ظلما وعدوانا؟؟؟…عطيو للناس رزقهم راه العواشر هادي…
التعليقات مغلقة.