اثارني مشهد الوزير بالأمس وهو يقول للبرلماااااااانيين الشبعانين لعاقة بان المغاربة عيدو هاد العام بالرخااااااا…الله يعطينا وجهك…وملي قاطعو احد البرلماااااانيين…بقا تما تايقول او او او او او او او…حتى ظنيت انا هاد الرجل ربما وقعات ليه شي وعكة صحية…عفوا وعكة لسانية…ومرات ليه اللسان وخلاتو تايقول او او او او او او ا او او حتى ملو المغاربة من ديك الاواوااااااات اللامتناهية…او من هنا او من لهيه…وهلم جرا…السيد الوزير المخترم…عفوا المحترم…ماقدكش الاو او الكاو اللي ضربتو بيها المغاربة على الراس وخلاتهوم تايعانيو مع الغلاء في الأكل والشرب والمعيش اليومي والكازوال والمواد الغذائيّة والفلاحية والطرونسبور وغير ذلك…ما قدكش السيد الوزير المخترم عفوا المحترم الاو او الكاو اللي طحنتو بيه الشعب وخليتوه يعاني الويلات والويلات…مع التعليم المفلس والصحة المتهاوية والاقتصاد المدعدع والتربية الغائبة والثقافة المهدومة والمردومة والمهمومة والسياسة ديال باك صاحبي وغير ذلك من المدلهمات…ماكفاكومش الحالة الكارثية والمزرية التي يعيش عليها المواطن المغربي المطحون والمغلوب على أمره…ماكفاكومش الوضع المندي للجبين اللي عليه المغرب في كل المجالات…واش بقات فالبروتوكولات والبوليميك الخاوي والتاحلايقيت اللي تاتمارسو على البوفرية والمزاليط والمكحطين فهاد القيهرة الكحلة…ماكفاكومش الحالة اللي وصلنا ليها في كل المجالات…الرشوة والمحسوبية والزنا والفساد والضلال والاضلال والغي والمكر والخداع والرذيلة والبغي والشذوذ الجنسي والفكري والاخصاء العلمي والنفاق الايديولوجي والصكوعية والحلزونية والحربائية والهيلالة وجيلالة وحمادشة وعيساوة والكريتيك الخاوي والتكوليس والتنوعير والهضاضر ديال القهاوي والتبجح…وعاد تزيد عليك ديك قناة الصرف الصحي والايسينيرتي بترويج الأكاذيب والترهات والخزعبلات والبوليميك الخاوي بدون مراعاة حرمة المغرب والمغاربة…تقول ديك التلفزة في عالم والواقع في واقع اخر…للأسف الشديد السيد الوزير المخترم عفوا المحترم…راه شبعنا اواوات…المعلم…والوضعية كارثية والمغرب غادي مار ارييى امونامور…والى زدتي غير او وحدة اخرى صافي صلي على المغرب صلاة الجنازة…وكان الله والباقي الله…البركة فراسكوم من جيهت المغرب مسكين كان الله يرحمو رااااااااجل مزيان…غير هاد الاو ولا الكاو مع صاحبو اخناتوش العظيم زعيم التجمع الوتني للابقار والاشرار وحوارييه هوما اللي خرجو عليه الشكوى بيهوم لله الواحد القهار ياخذ فيهوم الحق فالدنيا والآخرة…
التعليقات مغلقة.