الانتفاضة // محمد المتوكل
شعبانات…تلك المنطقة الريفية المهجورة…تقع وسط الجبال…احتلها المستعمر …واستحوذ على اجود اراضيها…ولما اندحر المستعمر الغاشم…استحوذ المعمرون الجدد من جديد على اجود أنواع الاراضي…واسسو لفيرمة…بل فيرمات…تضج بآلاف الهكتارات …وعتاد فلاحي كبير…وعدد قليل من العمال…كانت الأمور رغم بساطة المنطقة والفقر والجهل وغياب البنيات التحتية…كانو الناس تياكلو طرف ديال الخبز مع ديك الفيرمة النايحة…كانو الناس تيخدمو…تيسرحو…تيستافدو من التبن والزرع والخيرات موجودة…لكن ابتداء من 1994…لما جاو شي وحدين لديك الفيرمة…وقع الزمت والزيار…والحضية…وسرحو واحد العدد ديال العمال…وشردو واحد العدد ديال الاسر…بل دابا راهوم تيدخلو بالورقة وتيخرجو بالورقة…وعاد الكاميرات…وزربو على الفيرمة من جميع الجوانب…وسدو الباب على الفقراء والمساكين والمحتاجين…واضطر أغلب سكان شعبانات الى الهجرة إلى المدن من اجل لقمة العيش…للاسف…
عدد قليل ديال العمال…واجر قليل…وتعويضات هزيلة…والمنطقة في عزلة تامة…في الوقت اللي الفيرمة تستحوذ على هكتارات كبيرة …بدون ان يكون للمنطقة عائد من التنمية…الفيرمة…مشينا ليها واحد الوقت…نطلب منها انها تساعدنا في بناء المسجد … بقاو تيقاقيو علينا بالهضرة اللي ماتشري خضرة…صافي وسمحنا فيهوم…وعرفنا سوقهوم خاوي…نفس الشيء تكرر مع سقاية الكرادة…والو نفس السيناريو…حاجة وحدة داروها…هي ضيقو على الناس فرزقهوم…وزربو على الناس…وقطعوا عليهوم الما والضو…فيرمة فيها …٨٥٠ هكتار…بلا اللي فالحامة…وسيدي عبد العزيز…وسيدي علال التازي…والمحطة…وغيرها…لكن تتخدم خمسة ديال الناس…والى جا الصيف…تتعطي للناس تمارة…والكرفي…والصهد…وسالينا…اغلب سكان المنطقة هرسو سنانهوم فالفيرمة مقابل تقاعد لا يسمن ولا يغني من جوع…التالي فيهوم معندو حتى دار صحيحة…وعاد المصاريف ديال الأولاد والطبيب والمدرسة وباقي متطلبات الحياة الصعبة…
منذ 1994 والناس تعاني من تبعات المسؤولين على تلك الفيرمة…والنتيجة ان المنطقة مزالة فقيرة وغادا للور…دون أن ننسى الغياب التام لمجلس بوكو كلام …الذي كان ولازال وسيبقى فقط جوقة تأتي لتأتيت المشهد المسرحي الساخر الذي يسخر من المنطقة كل خمس سنوات…كما لا ننسى دور الساكنة التي هي الأخرى مسؤولة عن كل ما يجري ويدور بداخلها…
التعليقات مغلقة.