الانتفاضة/ محمد المتوكل
اخبرني الاستاذ الفاضل سيدي حميد كيسو …بصاعقة وفاة استاذي ومربي ومعلمي الاستاذ الفذ سيدي محمد الزهراوي…فاحببت من واجب الاعتراف بالجميل ان ادلو بهذه الشهادة المتواضعة في حق رجل ابلى البلاء الحسن في تخريج اجيال من المتعلمين بمنطقة شعبانات…
تعزية في وفاة الاستاذ المربي…والمعلم النموذج…سيدي محمد الزهرواي…رحمه الله وغفر له وكان به رؤوفا…
كان رحمه الله استاذا مثاليا ومعلما متمكنا ومربيا اصيلا…تلقينا عليه ابجديات الكتابة والقراءة ومختلف العلوم التي ساعدتنا في حياتنا…كما اخذنا منه الاخلاق والتربية الحسنة والسمت الحسن…كان نموذجا في العطاء والسخاء والوفاء والصفاء والنقاء …كان يشكل الى جانب نخبة من المعلمين الذين كانت تزخر بهم شعبانات القمة في الجد والاجتهاد والتواصل الفعال والانصات لكل له رغبة او حاجة…كنت تلميذه المحبوب وابنه البار وطفله المدلل…درست على يديه لسنتين متتاليتين…وكان يناديني رحمه الله بحمودة…كنت اسقي له الماء من الكرادة… واقضي له بعض الحاجات…اذا اقتضى الحال…اتذكر مرة سخرني عند مول الحانوت باش نشري ليه المغرب…سيجارة عافانا الله واياكم…وزيزوار سميتو مينورة…لكن تذكرت المغرب ونسيت مينورة لما رجعت قلت استاذ…نسيت ديك الثانية بدا يضحك رحمه الله حتى شبع…واتذكر كذلك اني كنت سارح البقيرة حدا المدرسة وكان هو تيقري احيانا فالعشية…وكنت ديما تنهز معايا دفتر ولا جورنال…تنراجع فيه فداز واحد البيدق …من دوك… حديدانات الحراميين…وقال لي اولد عاشورة …مزال تتسرح…وانا نقول ليه مالي سارح عند باك المجراب…وسمعوه الدراري فالقسم…وبداو تيضحكو…وهو ينهرهوم رحمه الله وقال ليهوم هاداك اللي تضحكو عليه راه تيجي هو الاول فالقسم…وتيضرب النقطة الاولى فالقسم…ومربي وولد عائلة…القسم كلو ضربها بصقلة ومعاودش الهضرة…اتذكر كذلك انه عطاني واحد السلخة ديال العصا…كان نهار التلات…عندي نص نهار خاوي مع السي مصطفى الله يذكرو بخير…علامن لانه سمعني من الشرجم تنضحك على واحد السيد كان سميتو ميلود وتيعيطو ليه لابيلانص الصباح جيت عندو خلاني حتى دازت واحد الساعة وهو يسولني علاش كنت تضحك على داك السيد وهو يجبد معايا بواحد مولاتي العصا…ربعة ديال الدقات تموت ومتنساهومش…احسن عصا عندو هي ديال النخل…الى ضربك مايعاودك…عاد زيد اني كنت عزيز عليه …ديما تيختارني نشارك فالانشطة ديال عيد العرش…وغيرها من المناسبات…اما وقت الفراغ ديالو كان تيقضيه فالمنزل…او يجي يلعب الكورة مع وليدات شعبانات……اخر مرة تلاقيتو رحمه الله وكنت فين متنتلاقاه تنبوس ليه يديه احتراما…ووصاني …مزال تنعقل قال لي حمودة قرا اولدي مزيان وتهلا فوالديك…والى حتاجيتي شي حاجة انا معاك…رحمك الله استاذي وغفر لك واسكنك فسيح الجنان وانا على فراقك لمحزونون ولا نقول الا ما يرضي ربنا…وانا لله وانا اليه راجعون…تعازينا لكل عائلته وجيرانه ومحبيه وتلامذته وكل معارفه…الدوام لله سبحانه وتعالى..
الصورة ارسلها لي الاخ الفاضل عبد الرحيم الغوفي…جزاه الله خير الجزاء وغفر لوالده خالي محماد الأصل الطيب والتربة المباركة…
التعليقات مغلقة.