الانتفاضة / محمد المتوكل
انظروا ماذا خلف مهرجانهم ديال الخنونة والوش والكذوب والتسنطيح والقيل والقال والبلابلا بدون نتيجة تذكر…ازبال وقاذورات والكارطون مزلع والجورنالات والبلاستيك وبقايا الاكل والشرب فضلا على بقايا الفضلات اعزكم الله استحييت ان اصورها…شي وحدين لقيتهم شاعلين العافية تيسخنو على الكراطن…قالك مهرجان لواه الزمر….نتوما اللي مخلفين هاد الازبال ماشي حرام على الزائر يجي يشوف هاد الشووووووووهة…بنادم مشا وخلا بلاصتو بحال إلى دازها زلزال تركيا…مهرجان بدون انشطة ولا برامج غير الاكل والشرب والتصاور والبلابلا والهضاضر وحتى وزة ماكاينة…كون قلنا لهاد المساخط اجيو نحضروا واحد النشاط التربوي ولا التوعوي ولا الديني مايجيك حتى حبشي..لكن لان القضية فيها النشاط والنشادة اللي طيحوا الملايين واحيدوس اللي جابوهوم بفلوس صحيحة…وعاد جماعة بوكو كلام تظل تبكي وتشكي باللي الفلوس ماكايناش والميزانية ضعيفة…ايوا دابا بانو الفلوس على التفاهات…هادوك الفلوس ممكن تديروا بيها شلا بوكو حاجات تعود بالنفع على المنطقة ونتوما جالسين تتخسروها فالخوا الخاوي…عليها ديك عين الجمعة عمرها ماتزيد للقدام غير إلى جا الله من جيهتها…أما المسؤولون دياولنا غسلنا عليهوم يدينا وصلينا عليهوم صلاة الجنازة وضربنا عليهوم سكسو الله يخلف ويجعل البركة…المرحومة كانت عاطياها غير للنشاط هاهو شاط…اللهم اغفر لنا ولها…عزاؤنا واحد…
